ಮಧುಮೇಹ ನಿಯಂತ್ರಣದ ಸರಳೋಪಾಯಗಳು ಇಲ್ಲಿವೆ. ಇದನ್ನು ಬಿಡದಂತೆ ಪಾಲಿಸಿದರೆ ನಿಮಗೆ ಫಲಿತಾಂಶ ಪಕ್ಕಾ ಸಿಗುತ್ತದೆ. ಬಹಳ ಭಯ ಪಡಿಸುವ ಒಂದೇ ಒಂದು ಪರ್ಮನೆಂಟ್ ಖಾಯಿಲೆ ಎಂದರೆ ಅದು ಮಧುಮೇಹ. ಇದಕ್ಕೆ ಜನ ಹೆದರುವುದು ಏಕೆಂದರೆ ತಮಗೆ ಇಷ್ಟವಿರುವ ಆಹಾರಗಳನ್ನು ತಿನ್ನಲು ಆಗುವುದಿಲ್ಲವಲ್ಲ ಎಂದು. ಅದರಲ್ಲೂ ಸಿಹಿ-ತಿಂಡಿಗಳನ್ನು ಬಹಳ ಇಷ್ಟಪಡುವವರು ಮಧುಮೇಹಕ್ಕೆ ಹೆದರುತ್ತಾರೆ.
ಇದನ್ನು ನಾವು ಹೇಗೆ ನಿಯಂತ್ರಣದಲ್ಲಿ ಇಟ್ಟುಕೊಳ್ಳುವುದು ಎಂದು ತಿಳಿಯಬೇಕಾಗಿರುವುದು ಬಹಳ ಅವಶ್ಯಕವಾಗಿದೆ. ಕೆಲವೊಂದು ಬದಲಾವಣೆಗಳನ್ನು ಅಳವಡಿಸಿಕೊಂಡರೆ ಈ ರೋಗದಿಂದ ಆಗುವ ದುಷ್ಪರಿಣಾಮಗಳನ್ನು ತಡೆಗಟ್ಟಬಹುದಾಗಿದೆ. ಏನಿದು ಉಪಾಯಗಳು ಎಂಬ ಪ್ರಶ್ನೆ ನಿಮ್ಮೆಲ್ಲರಿಗೂ ಮೂಡುತ್ತಿದೆಯೇ. ಹಾಗಾದರೆ ಬನ್ನಿ ಅದೇನೆಂದು ತಿಳಿದುಕೊಳ್ಳೋಣ.
ಹಸಿವನ್ನು ಅನುಸರಿಸಿ ಆಹಾರ ಸೇವಿಸಿ. ಶಾರೀರಿಕ ಶ್ರಮ ವಹಿಸಿ ಕೆಲಸ ಮಾಡುವವರು ಪ್ರಮಾಣದಲ್ಲಿ ಅಧಿಕವಾಗಿಯೂ ಶಕ್ತಿಯಲ್ಲಿ ಮಧ್ಯಮ ಇರುವಂತೆಯೂ ಆಹಾರ ಸೇವಿಸಿ. ಬೌದ್ಧಿಕ ಶ್ರಮ ಕೆಲಸ ಮಾಡುವವರು ಶಕ್ತಿಯಲ್ಲಿ ಅಧಿಕ, ಪ್ರಮಾಣದಲ್ಲಿ ಕಡಿಮೆ ಇರುವಂತೆಯೂ ಆಹಾರ ಸೇವಿಸುವುದು.
ಹಣೆಯಲ್ಲಿ ಬೆವರು ಬರುವವರೆಗೆ ಮಾತ್ರ ವ್ಯಾಯಾಮ ಮಾಡಿ. ಕೆಲಸದಲ್ಲೂ ಅಷ್ಟೇ ಹಣೆಯಲ್ಲಿ ಬೆವರು ಬಂದಮೇಲೆ ಸ್ವಲ್ಪ ಕುಳಿತು ಕೆಲಸ ಮುಂದುವರಿಸಿ. ಚಪಾತಿಗಿಂತ ನೀರು ಅಧಿಕ ಇರುವ ಗೋಧಿ ಉಪ್ಮಾ / ಉಪ್ಪಿಟ್ಟು, ಮೆಂತ್ಯೆ ಕಡುಬು ಅತ್ಯುತ್ತಮ. ನೀರು ಕಡಿಮೆ ಇರುವ ಗೋಧಿ ಪದಾರ್ಥಗಳನ್ನು ಸೇವಿಸಬೇಡಿ.
ಹಗಲು ನಿದ್ದೆ ಸರ್ವದಾ ತ್ಯಜಿಸಿ. ತಡರಾತ್ರಿ ನಿದ್ದೆ ಬೇಡ. ಚಿಂತೆ ಮಾಡುವವರು, ವಿಶೇಷವಾಗಿ ಭಯ ಪಡುವ ಸ್ವಭಾವದವರು, ಸೂಕ್ತ ಪರಿಹಾರ ಕಂಡುಕೊಳ್ಳದೇ ದೊಡ್ಡ ದೊಡ್ಡ ಕೆಲಸಗಳಿಗೆ, ಜವಾಬ್ದಾರಿ ಹೊರುವ ಕೆಲಸಗಳಿಗೆ ಕೈಹಾಕಬೇಡಿ. ಬೌದ್ಧಿಕ ಕೆಲಸ ನಿಮ್ಮದಾಗಿದ್ದರೆ, ನಿಮ್ಮ ರ’ಕ್ತದಲ್ಲಿ ಸ್ವಲ್ಪ ಸಕ್ಕರೆ ಅಂಶ ಹೆಚ್ಚಿರುತ್ತದೆ, ಗಾಭರಿ ಬೇಡ.
FBS+PPBS ಎರಡರ ಮೊತ್ತವನ್ನು 2 ರಿಂದ ಭಾಗಿಸಿದರೆ, ಅದು 250 ರ ಒಳಗಿದ್ದರೆ ಯಾವ ಮಾತ್ರೆಗಳನ್ನೂ ಸೇವಿಸುವ ಅಗತ್ಯ ಇಲ್ಲ. ಆದರೆ ಪ್ರತಿದಿನ ಶ್ರಮ ಮಾಡಿ. ಮೈದಾ(ಬಿಸ್ಕೆಟ್ಸ್, ಬ್ರೆಡ್, ಕೇಕ್, ಬರ್ಗರ್, ಪಿಜ್ಜಾ), ಕರಿದ ಪದಾರ್ಥಗಳು, ಮೇಲಿನಿಂದ ವಗ್ಗರಣೆ ಕಲಸಿದ ಪದಾರ್ಥಗಳು, ಅತಿಯಾದ ಮಾಂಸಹಾರ, ಸೋಂಬೇರಿತನ ಇದಾವುದೂ ಬೇಡವೇ ಬೇಡ.
ಅನುವಂಶೀಕ ಪರಿವರ್ತಿತ ಆಹಾರ, ಹೆಚ್ಚು ಇಳುವರಿ ಕೊಡುವ ಸಸ್ಯ ಮತ್ತು ಮಾಂಸಗಳಿಂದ ತಯಾರಿತ ಆಹಾರಗಳು ಆರೋಗ್ಯದ ದೃಷ್ಟಿಯಿಂದ ಸರ್ವಥಾ ಅಪಾಯಕಾರಿ. ನಿಮ್ಮ ಪ್ರಾಂತೀಯ ಆಹಾರವೇ ಪ್ರಧಾನವಾಗಿರಲಿ. ಮೂತ್ರ, ಬೆವರು ವಾಸನೆ ಬಂದರೆ ಮತ್ತು ಬಹಳ ಕಾಲದಿಂದ ಇದ್ದರೆ ತಕ್ಷಣ ಪರಿಹಾರ ಮಾಡಿಕೊಳ್ಳಿ. ಆಧ್ಯಾತ್ಮಿಕ ಸಾಧಕರಲ್ಲೂ ಮಧುಮೇಹ ಇರುವುದು ಏನನ್ನು ಸೂಚಿಸುತ್ತದೆ ಎಂದರೆ- ಕೇವಲ ಮಾನಸಿಕ ಒತ್ತಡ ನಿರ್ವಹಣೆ ಮತ್ತು ಶಾಂತ ಜೀವನಗಳಿಂದಲೇ ಮಧುಮೇಹವನ್ನು ತಡೆಯುವುದು ಮತ್ತು ನಿಯಂತ್ರಿಸುವುದು ಅಸಾಧ್ಯ.
ಮಾನಸಿಕ ದೃಢತೆ, ಶಾಂತ ಜೀವನ, ಸದೃಢ ಜೀರ್ಣಕ್ರಿಯೆ ಇವು ಆರೋಗ್ಯದ ಗುಟ್ಟುಗಳು. ಈ ಮಾಹಿತಿಯು ನಿಮಗೆ ಇಷ್ಟವಾಗಿದ್ದರೆ ಮರೆಯದೇ ನಿಮ್ಮ ಸ್ನೇಹಿತರೊಂದಿಗೆ ಹಂಚಿಕೊಳ್ಳಿ, ಒಳ್ಳೆಯ ವಿಷಯಗಳನ್ನು ಹಂಚಿಕೊಳ್ಳುವುದು ಸಹ ಒಂದು ಒಳ್ಳೆಯ ವಿಷಯ, ಹಾಗೆಯೇ ಮರೆಯದೆ ನಮ್ಮ ಪೇಜ್ ಅನ್ನು ಲೈಕ್ ಮಾಡಿ ಹೆಚ್ಚಿನ ಅಪ್ಡೇಟ್ ಗಳನ್ನು ಪ್ರತಿದಿನ ಪಡೆಯಿರಿ.
