ಹಾಗಲಕಾಯಿ ಎಂದಾಕ್ಷಣ ಮುಖ ಕಿವುಚಿಕೊಳ್ಳೋರು ಒಮ್ಮೆ ಇಲ್ಲಿ ಓದಿ..!!

0
1735

ಹಾಗಲಕಾಯಿ ಬಲು ಕಹಿಯಾಗಿರುತ್ತದೆ ಆದರೆ ಆರೋಗ್ಯವನ್ನು ನೀಡುತ್ತದೆ, ಕೆಲವು ಪದಾರ್ಥಗಳು ಬಾಯಿಗೆ ಸಿಹಿ ಯಾಗಿಯೇ ಇರುತ್ತದೆ ಆದರೆ ದೇಹಕ್ಕೆ ಹೆಚ್ಚಿನ ಅನಾರೋಗ್ಯವನ್ನು ನೀಡುತ್ತದೆ, ಹಾಗಲಕಾಯಿ ಎಷ್ಟು ಕಹಿ ಇದ್ದರೂ ಹಾಗಲಕಾಯಿ ಗೊಜ್ಜು ಎಂದಾಕ್ಷಣ ಬಾಯಲ್ಲಿ ನೀರು ಬರುವುದು ಖಂಡಿತ.

ಹಾಗಲಕಾಯಿಯಲ್ಲಿ ಹೆಚ್ಚಿನ ಪ್ರಮಾಣದ ಶರ್ಕರಪಿಷ್ಟ ಪ್ರೊಟೀನ್, ವಿಟಮಿನ್ ಇ ಮತ್ತು ಸಿ, ಕ್ಯಾಲ್ಸಿಯಂ, ರಂಜಕ, ಕಬ್ಬಿಣದ ಅಂಶ, ಕೆರೋಟಿನ್, ಬ್ಲೂ ಕೋ ಸೈಡ್, ಇತ್ಯಾದಿ ಅಂಶಗಳು ಹೇರಳವಾಗಿರುತ್ತದೆ, ಯುರ್ವೇದದಲ್ಲೂ ಹಾಗಲಕಾಯಿಯ ಬಳಕೆಯ ಕುರಿತು ಹೆಚ್ಚಾಗಿಯೇ ಹೇಳಲಾಗಿದ್ದು ಇದು ಹಲವು ರೀತಿಯ ರೋಗನಾಶಕ ಅಥವಾ ರೋಗಗಳಿಗೆ ರಾಮಬಾಣ ವಾಗಿ ಕೆಲಸ ಮಾಡುತ್ತದೆ ಎನ್ನಲಾಗಿದೆ.

ಮಧುಮೇಹ ರೋಗಿಗಳಿಗೆ ಹಾಗಲಕಾಯಿ ಸೇವನೆಯಿಂದ ಉತ್ತಮ ಪರಿಣಾಮ ಗಳು ಸಿಗುತ್ತವೆ, ಹಾಗಲಕಾಯಿ ದೇಹದಲ್ಲಿನ ಮೇದೋಜೀರಕ ಗ್ರಂಥಿ ಗಳನ್ನು ಉತ್ತೇಜಿಸಿ ಇನ್ಸುಲಿನ್ ಉತ್ಪಾದನೆಗೆ ಪ್ರಚೋದಿಸುತ್ತದೆ, ಇನ್ನು ಹಾಗಲಕಾಯಿಯನ್ನು ಒಣಗಿಸಿ ಕುಟ್ಟಿ ಪುಡಿ ಮಾಡಿಟ್ಟುಕೊಂಡು ಪ್ರತಿದಿನ ಸೇವಿಸುತ್ತಿದ್ದರೆ ಮಧುಮೇಹ ರೋಗಿಗಳಿಗೆ, ಸಕ್ಕರೆ ಕಾಯಿಲೆಯನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ.

ನಮ್ಮ ರಕ್ತವನ್ನು ಶುದ್ದಿ ಮಾಡುವುದಕ್ಕೆ ಹಾಗೂ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುವುದಕ್ಕೆ ಹಾಗಲಕಾಯಿಗೆ ನಿಂಬೆ ರಸದೊಂದಿಗೆ ಮಿಶ್ರ ಮಾಡಿ ಸೇವಿಸಬೇಕು, ಇದರಿಂದ ಯಕೃತ್ ಶುದ್ಧವಾಗುತ್ತದೆ ಜೀವಕೋಶಗಳ ಪುನರುತ್ಪಾದನೆಯಲ್ಲಿ ತೊಡಗುತ್ತವೆ, ಜೊತೆಯಲ್ಲಿ ಕಿಡ್ನಿಯನ್ನು ಶುದ್ಧಗೊಳಿಸುವ ಮತ್ತು ಮೂತ್ರ ಕೋಶದಲ್ಲಿ ಸಂಗ್ರಹವಾಗುವ ಸಣ್ಣಪುಟ್ಟ ಕಲ್ಲುಗಳನ್ನು ನಿವಾರಿಸುವಲ್ಲಿ ಹಾಗಲಕಾಯಿ ಬಹಳ ಪ್ರಮುಖ ಪಾತ್ರವನ್ನು ವಹಿಸುತ್ತದೆ.

ಸಾಮಾನ್ಯವಾಗಿ ಬಹಳ ಜನರಿಗೆ ಗ್ಯಾಸ್ಟಿಕ್ ಮತ್ತು ಹೊಟ್ಟೆಯ ಹುಣ್ಣು, ಹುಳಿ ತೇಗು ಇಂತಹ ತೊಂದರೆಗಳು ಇರುತ್ತವೆ ಅಂಥವರು ಹಾಗಲಕಾಯಿಯ ರಸವನ್ನು ಸೇವನೆ ಮಾಡುವುದರಿಂದ ಜೀರ್ಣ ಶಕ್ತಿಯು ಉತ್ತಮಗೊಂಡು ಈ ಎಲ್ಲಾ ಸಮಸ್ಯೆಗಳು ನಿವಾರಣೆಯಾಗುತ್ತದೆ, ಹಾಗಲಕಾಯಿಯ ಬೀಜದಲ್ಲಿ ವಿರೇಚಕ ತೈಲ ಹೆಚ್ಚಿನ ಪ್ರಮಾಣದಲ್ಲಿ ಇರುತ್ತದೆ, ಹಾಗಾಗಿ ಮಲಬದ್ಧತೆ ಸಮಸ್ಯೆ ಕಡಿಮೆಯಾಗುತ್ತದೆ ಇದು ಕಡಿಮೆ ಕ್ಯಾಲೋರಿ ತರಕಾರಿಯಾಗಿದ್ದು ಬೊಜ್ಜನ್ನು ಸಹ ಕಡಿಮೆ ಮಾಡುತ್ತದೆ ಮತ್ತು ಚರ್ಮದ ತುರಿಕೆ, ಹುಳು ಕಡ್ಡಿ ಇತ್ಯಾದಿ ಸಮಸ್ಯೆಗಳಿಗೆ ಪರಿಹಾರ ನೀಡುತ್ತದೆ.

ಶ್ವಾಸಕೋಶಗಳಲ್ಲಿ ನ ಸಮಸ್ಯೆ, ಅಸ್ತಮಾ ಹಾಗೂ ಉಸಿರಾಟದ ತೊಂದರೆಗಳು ಇದ್ದವರು ನಿಯಮಿತವಾಗಿ ಹಾಗಲಕಾಯಿಯನ್ನು ಬಳಸುವುದರಿಂದ ಶ್ವಾಸನಾಳಗಳ ಒಳಪೊರೆಯ ಉರಿಯೂತವನ್ನು ನಿಯಂತ್ರಣ ಮಾಡುವುದಲ್ಲದೆ ಹೊಟ್ಟೆ ಹುಳುವಿನ ಸಮಸ್ಯೆಯನ್ನು ಸಹ ಹಾಗಲಕಾಯಿ ರಸ ಮೂರ್ನಾಲ್ಕು ದಿನಗಳಲ್ಲಿ ಪರಿಹಾರ ಮಾಡುತ್ತದೆ.

ಹಲವು ಕೂದಲಿನ ಸಮಸ್ಯೆ ಗಳನ್ನು ಸಹ ಹಾಗಲಕಾಯಿಯನ್ನು ಬಳಸಿ ಪರಿಹಾರವನ್ನು ಕಂಡುಕೊಳ್ಳಬಹುದು ತಲೆ ಕೂದಲ ಹೊಳಪಿಗಾಗಿ ಹಾಗಲ ಕಾಯಿ ರಸಕ್ಕೆ ಸ್ವಲ್ಪ ಮೊಸರನ್ನು ಸೇರಿಸಿ ತಲೆಗೆ ಹಚ್ಚುವುದರಿಂದ ಉತ್ತಮ ಪ್ರತಿಕ್ರಿಯೆ ದೊರೆಯುತ್ತದೆ, ತಲೆ ಕೂದಲು ಗಳು ಕಪ್ಪಾಗಿ ಕೂದಲು ಸೀಳುವಿಕೆ ಯ ಸಮಸ್ಯೆ ಕೂಡ ನಿಯಂತ್ರಣಕ್ಕೆ ಬರುತ್ತದೆ ಬಾಲ ನೆರೆ ತಪ್ಪುತ್ತದೆ ಇನ್ನು ಹಾಗಲಕಾಯಿ ಜೊತೆ ಜೀರಿಗೆ ಸೇರಿಸಿ ರುಬ್ಬಿ ತಲೆಗೆ ಹಚ್ಚಿಕೊಂಡರೆ ಕೂದಲ ಹೊಟ್ಟಿನ ಸಮಸ್ಯೆಯು ಪರಿಹಾರವಾಗುತ್ತದೆ.

LEAVE A REPLY

Please enter your comment!
Please enter your name here